"Балалар планетаны рәсемгә төшерә" исеме астында онлайн фото акция

«ЭКОяз 2020» республика акциясе кысаларында «Балалар планетаны рәсемгә төшерә» дигән онлайн фото акциясе эшли башлады, аның максаты – экология темасына балалар рәсемнәрен тарату аша укучыларның экологик культура дәрәҗәсен күтәрүгә, илебездә экологик җаваплы гражданнар тәрбияләүгә ярдәм итү. Бу акция - безнең көндәлек тормышыбыз турында уйланырга тагын бер сәбәп: без көн саен нинди гамәлләр башкарабыз һәм алар планетабыз экологиясенә ничек йогынты ясый. Акция быелның 22 нче апрельдән 12 нче маена кадәр үткәрелде. Акциядә катнашучылар мөстәкыйль рәвештә социаль челтәрләрдә үзләренең фоторәсемнәрен экологик темага рәсемнәр белән урнаштырдылар һәм әйләнә-тирәлекне сакларга өндәү посты яздылар. Иң яхшы фоторәсемнәр мәктәпнең Instagram төркемендә урын алды. Акциядә 1-11нче сыйныфлардан 100дән артык укучы катнашты. Иң актив катнашучылар - Куприянов Дмитрий (6а сыйныфы), Әгъләмов Рифат (6а сыйныфы), Лотфуллин Әдел (2а сыйныфы).