Район башлыгы Р.Г. Кәримовның Җиңү бәйрәме белән котлавы

Кадерле Бөек Ватан сугышы ветераннары, тыл хезмәтчәннәре, хөрмәтле зәйлеләр! Сезне чын күңелдән Бөек Ватан сугышында Җиңүнең 75 еллыгы белән котлыйм! Бу бәйрәм көнендә тыныч һәм аяз күк йөзе өчен иң җылы теләкләрне һәм рәхмәт сүзләрен кабул итегез! 1945 елның 9 Мае китергән сөенечле көннәрдән соң күпме генә еллар үтмәсен, фашизм һәлакәтеннән дөньяны коткарып калган җиңүчеләр буыны, аларның тиңдәшсез батырлыгы күпмилләтле халкыбыз күңелендә мәңге сакланып калачак. Бүгенге буын өчен җиңүчеләрнең каһарманлыгы һәм батырлыгы – һәр йортта бәхет һәм иминлек, күпмилләтле илебезнең куәте һәм чәчәк атуы хакына бетмәс-төкәнмәс энергия һәм рухи көч чыганагы ул. Без һәрвакыт үз гомерләрен аямыйча дөньяны фашизмнан саклап калган фронт һәм тыл геройларын искә алачакбыз. Алар Ватан бәйсезлеген саклап калып, туган шәһәрләребез, авылларны җимерек-хәрабәләрдән торгыздылар. Бүген инде киләчәгебез нинди булачагы безгә бәйле һәм мин безнең һәрберебез аның имин, тотрыклы булуы өчен барысын да эшләр дип ышанам. Хөрмәтле ветераннар! Батырлыгыгыз һәм фидакарьлегегез өчен зур рәхмәт сүзләрен кабул итегез! Без сезнең Ватан алдындагы казанышларыгызны югары бәялибез, сезнең батырлыгыгыз белән горурланабыз. Сәламәт һәм бәхетле булыгыз! Сезгә иминлек, тынычлык һәм күгебезнең һәрчак аяз булуын, һәр туар таңның бары тик шатлык-куанычлар гына алып килүен телим. Бөек Җиңү бәйрәме белән!