Юл төзелеше район җитәкчелеге контролендә

Бүген район башлыгы Разиф Кәримов, төзелеш эшләренең барышы белән танышу максатыннан, «Яр Чаллы – Зәй – Әлмәт » -Гулькин автоюлын реконструкцияләү объектында,"Татнефтедор" ҖЧҖ автомобиль юллары идарәсе генераль подрядчы булган Тюгеевка -Гулькин" участогында булды. 2020 елда контракт нигезендә финанслау күләме 100 млн. сум тәшкил итә. Хәзерге вакытта су үткәргеч торбаларны яңадан кору, тимер-бетоннан комплекслы төзелеш эшләре башкарыла. Юл полотносын төзү дәвам итә, аны ясау өчен быел 90 мең м3 грунт ташылачак һәм җәеләчәк. Җәйге айларда Гулькин авылына кадәр ясалачак асфальт- бетон юлның аскы катламын ясый башлау планлаштырыла. Коронавирус йогышының таралуын булдырмау буенча чикләү чаралары нигезендә, төзелештә хезмәткәрләр кирәкле санда гына эшли, аларның тән температурасы һәрдаим контрольдә тотыла, эш барышында индивидуаль саклану чаралары һәм антисептиклар кулланыла. Район башлыгы Разиф Галиевич Кәримов билгеләнгән эшнең график нигезендә алып барылуын билгеләп үтте, төзелеш срокларын үтәү буенча һәм эш процессын оештыруга уңай бәя бирде.