Бөек Ватан сугышында катнашкан ветераннарга бәйрәм бүләкләре тапшырылды

Бүген Зәй муниципаль районында яшәүче Бөек Ватан сугышында катнашкан 10 кешенең барысы да Татарстан Республикасы Президенты Рөстәм Миңнеханов, Татарстан Республикасы Дәүләт Советы депутаты Николай Нефедов һәм район башлыгы Разиф Кәримов исеменнән бәйрәм бүләкләре алдылар. Ветераннарга бүләкләр барлык саклык чараларын үтәп өйләренә китереп тапшырылды, шулай ук аларның адресларына Бөек җиңүнең 75 еллыгы уңаеннан иң җылы теләкләр әйтелде.