Район башлыгы Р.Г. Кәримовның 1 май - Яз һәм Хезмәт бәйрәме белән котлавы

Сезне чын күңелемнән 1 Май – Яз һәм хезмәт бәйрәме белән котлыйм. Яз һәм хезмәт – бу ике төшенчә беркайчан да әһәмиятлелеген югалтмый. Яздан без һәрвакыт уңай үзгәрешләр көтәбез, аның белән киләчәк уңышка өметне бәйлибез, тормышның барлык тармакларында яңарыш, игелекле башлангычларның чынга ашуын телибез. Шул ук вакытта безнең һәркайсыбыз бары тик тырыш хезмәт белән генә якты киләчәкне, һәркемнең иминлеген тәэмин итеп булганны аңлый. Кешенең нинди хезмәтне башкаруы мөһим түгел – ул станок артында хезмәт куямы, икмәк үстерәме, балаларга белем һәм тәрбия бирәме – теләсә кайсы тармакта югары нәтиҗәләргә ирешергә мөмкин. Иң мөһиме – үз һөнәреңне яратып башкару, үз алдыңа югары максатлар куеп, аларга ирешү һәм безнең тормышыбызның һәрвакыт туган районыбыз, республикабыз, илебез язмышы белән тыгыз бәйләнештә булуын онытмау. Зәйлеләр һәркайчан уртак мөһим эш өчен хезмәт куя белделәр һәм һәр кешенең хезмәтенә хөрмәт безнең барлык планнар, уй-ниятләр нигезендә ята. Бүген мин муниципаль район үсешенә һәм аның икътисадын ныгытуга үзенең фидакарь хезмәте белән өлеш кертүче, туган ягыбызны тагын да уңайлырак, матуррак итәргә тырышучы барлык кешегә зур рәхмәт сүзләре белдерәм. Агымдагы елда без Яз һәм хезмәт бәйрәмен үзенчәлекле шартларда билгеләп үтәбез. Вакытлыча авырлыклар артта калыр, без барыбыз бергә бу сынауларны да җиңеп чыгарбыз дип ышанам. Барыгызга да язгы күтәренке кәеф, иминлек, ныклы сәламәтлек, барлык теләк-омтылышларыгызның да тормышка ашуын телим. Май бәйрәме элеккечә хезмәтчәннәрнең бердәмлеген чагылдырсын, ә оптимизм һәм яхшыга ышаныч сезне беркайчан да ташламасын.