Зәй районы хезмәтчәннәре шикәр чөгендере чәчүгә керештеләр

27 апрельдә район аграрийлары шикәр чөгендере чәчүгә керештеләр. Быел шикәр чөгендере мәйданы 9084 га тәшкил итәчәк, чәчүдә 36 чәчү берәмлеге катнашачак, бу көненә 1000 га мәйданда эш башкару мөмкинлеге бирәчәк. 28 апрельдә Зәй муниципаль районы башлыгы Разиф Гали улы Кәримов «Кадер» җитештерү комплексында булды, анда шикәр чөгендерен чәчү 24 рәтле ике агрегат ярдәмендә башкарыла. Чәчү алдыннан эшкәртү «Lemken» маркалы К-800 компакторлары тарафыннан башкарыла. Аммиак селитрасы «Amazone» сиптергечләре белән кертелә. Аннары район башлыгы эш графигы буенча махсус санитар-эпидемиологик режим таләпләрен үтәү белән танышу максатыннан Зәй район газ- эксплуатация хезмәтендә һәм үзәк базарда булды. Зәй район газ- эксплуатация хезмәтендә җитештерү процессы куркынычсызлыгы тәэмин ителүе һәм контрольдә тотылуы, тиешле профилактик чаралар күрелүе билгеләп үтелде. Үзәк базарда халыкның азык-төлеккә ихтыяҗы өйрәнелде, эшмәкәрләр белән аралашу вакытында Роспотребнадзорның тәкъдимнәрен үтәү мәҗбүрилегенә аерым игътибар бирелде.