«Салават купере» балалар бакчасы «Экояз-2020» экология акциясендә

«Экояз-2020» экология акциясе кысаларында «Салават күпере” балалар бакчасында, читтән торып булса да, төрле чаралар уздырыла. Тәрбиячеләр балалар белән яз турында кызыклы, тәрбияви әңгәмәләр, шөгыльләр уткәрделәр: «Урман табиблары», «Кечкенә кошчыклар», «Аккош-кучмә кош». Әлеге шөгыльләрнең максаты: тере һәм тере булмаган табигать арасында булган бәйләнешләрне таба белү күнекмәләрен формалаштыру (явым-төшемнәрнең артуы, үсемлекләр күкрәп үссен өчен яктылык һәм җылылыкның кирәклеге, бөҗәкләр уянуы, кошларның кайтуы), урман кошлары турындагы белемнәрен ныгыту (тукран, шәүлегән, урман чыпчыгы, эрбет чыпчыгы, миләш чыпчыгы...). Өйдә утыручы балалар, әти-әниләре белән табигатькә багышланган плакатлар ясыйлар, бүлмә гөлләрен, йорт хайваннарын тәрбиялиләр, үсентеләрне күзәтәләр һәм йорт тирәсендә агачлар утырталар. Башкарылган эшләрнен барысы да мәктәпкәчә яшьтәге балаларда экология культурасын, аң, дөньяга караш формалашуга ярдәм итә.