Биләмәләрне җыештыру

Жир – анабыз – безнең уртак йортыбыз. Аны чиста, тәртипле тоту безнең уртак бурычыбыз, шул исәптән үзебез яшәгән җирлек юлларын да карап торырга кирәк. Кадер авылының “Кояшкай” балалар бакчасы хезмәткәрләре шулай эшлиләр дә: ел саен авыл җирлеге белән берлектә юл буйларын чүптән арындыру эшендә актив катнашалар. Быел да бу эштән читтә калмадылар. Нәтиҗәсе күз алдында-Кадергә илтүче юллар чисталыгы белән үзенә җәлеп итеп тора.