Предприятиеләрдә җитештерү процессының иминлеге контрольдә тотыла

Зәй муниципаль районының төп предприятиеләрендә һәм тормыш-көнкүрешен тәэмин итү учреждениеләрендә махсус санитар-эпидемиологик режим таләпләрен үтәүне карау максатыннан, район башлыгы Р.Г. Кәримов, Татарстан Республикасы буенча идарәсенең Әлмәт, Зәй, Лениногорск районнарындагы территориаль идарәсе башлыгы урынбасары Р.М. Насыйбуллин белән берлектә Зәй шәһәренең «Завод Техно» ҖЧҖ филиалы, «Аккорайд Уилз Руссиа» ҖЧҖ, Зәй ГРЭСЫ, «Зәй шикәре» ААҖ дә булдылар. Очрашу барышында предприятие җитәкчеләренең куркынычсызлыкны тәэмин итүгә һәм хезмәткәрләрнең сәламәтлеген саклауга җаваплы каравы билгеләп үтелде. Бүгенге көндә тагын өстәмә профилактик чаралар кертелде - предприятие персоналын эшкә керткәндә тән температурасын үлчәү оештырылды, хезмәткәрләр өчен шәхси саклану чаралары булдырылды, кабинетлар, керү пунктлары, цехлар антисептиклар белән тәэмин ителде, эш зоналарында җилләтү үткәрелә, дезинфекция чаралары кулланып биналарда даими җыештыру үткәрелә, башка регионнарга һәм ил буенча командировкалар гамәлдән чыгарылды, барлык хезмәткәрләр белән яңа коронавирус йогышын профилактикалау чаралары турында инструктаж үткәрелде. Район башлыгы урынбасары В.Г. Акатьев, "Роспотребнадзор" ның ТР буенча территориаль идарәсе белгече белән берлектә “Зәй” УАДы, ХПП, "Зайлес" ДБУ, "Зәй урманчылыгы" ДКУ, «Зәй элеваторы» ҖЧҖ, «Благострой» ҖЧҖ, «Горзеленхоз»ҖЧҖ, Зәй водоканалы, Зәй крекеры, "ТатЭК" ҖЧҖ ендәге санитар-эпидемиологик режим таләпләре үтәлүне карадылар. Роспотребнадзор күрсәтмәләрен һәм тәкъдимнәрен оператив рәвештә үтәргә кирәклеге искәртелде. Гомумән алганда, Зәй районы предприятиеләрендә һәм оешмаларында җитештерү процессының куркынычсызлыгы тәэмин ителә һәм махсус санитар-профилактик режим таләпләрен үтәү контрольдә тотыла.