«Без бөҗәкләр турында нәрсә беләбез?»

“Урман әкияте” балалар бакчасында бөҗәкләр турында әңгәмә үткәрелде. Балалар яңа белемнәр үзләштерделәр һәм моңа кадәр белгәннәрен ныгыттылар. Тәрбияче апалары малай-кызларга бөҗәкләрнең иллюстрацияләрен күрсәтте, таныш бөҗәкләр турында, аларның төзелү үзенчәлекләре, табигатькә файдасы һәм зыяны турында сөйләде. «Бу нәрсә һәм без аның турында нәрсә беләбез», «Тап һәм күрсәт.... » уеннары балаларның алган белемнәрен ныгытырга ярдәм итте.