Торак пунктлар территорияләрен чистарту махсус санитар режим таләпләрен үтәп башкарыла

Республикада һәм тулаем илдә урнашкан санитар-эпидемиологик режим җәмгыять тормышының барлык өлкәләренә билгеле бер үзгәрешләр кертте. Әмма, шуңа да карамастан, территорияләрне төзекләндерү тормыш өчен уңайлы мохит булдыру төп факторларының берсе булып тора. Үзгәрешләр 2020 елның 1 апрелендә башланган санитар-экологик икеайлык үткәрүгә дә кагылды. Муниципаль берәмлекләрдә моңарчы чисталык һәм тәртип Эко язны бәяләүнең төп критерийлары булды һәм шулай булып кала да. Быел исә бераз үзгәрешләр бар: экологик хәл критерийларыннан төзелгән административ материаллар, табигать саклау чараларын үткәрүдә катнашкан гражданнар саны, табигатьне саклау буенча үткәрелгән массакүләм чаралар саны төшереп калдырылды.