Кыр хәбәрләре: язгы кыр эшләре гөрләп барган вакытта яуган кар чәчүлекләргә зыян салмас, дип уйлыйлар авыл хуҗалыгы җитештерүчеләре

Хәзерге һава шартлары Татарстанның аерым районнарында кыр эшләрен туктатып торырга мәҗбүр итте. Кар кайбер урыннарда 5 см-га кадәр төшкән. Әмма авыл хуҗалыгы җитештерүчеләре күңелләрен төшермиләр. Әгерҗе, Аксубай, Әлмәт, Кукмара, Яңа Чишмә районнарының авыл хуҗалыгы идарәләреннән кыр эшләрен туктатып торулары турында хәбәр иттеләр. «Шытымнар юк әле, шуңа күрә кар зыян китермәс. Ә тышта плюс температура. Бу җылы карны ашлама итеп кабул итәбез. Дым күбрәк туплана. 2-3 көн эчендә кар эреп бетәчәк, без тагын кырларга чыгачакбыз», - дип сөйлиләр районнарда игенчеләр. Хәзергә уҗым культуралары 471,4 гектарда тукландырылган, күпьеллык үләннәр – 362,5 мең га, ягъни 86%. Быел барысы бөртекле культураларны 486,7 мең га мәйданда тукландырасы, күпьеллык үләннәрне – 484,1 мең гектарда. Күпьеллык үләннәрне тырмалау 354,8 мең гектарда башкарылган, көзге культуралар - 129,3 мең га, туңга сөрелгән һәм пар җирләре - 822,6 мең га, ягъни 42%. Чәчү планлаштырылганнан 3% башкарылган. Татарстан Республикасы Авыл хуҗалыгы һәм азык-төлек министрлыгының оператив белешмәләре буенча, бүгенгә Буа районында 86 га солы, 1020 га бодай һәм 4283 га арпа чәчелгән, Нурлат районында – 3736 га арпа һәм 325 га бодай, Чүпрәле районында - 1515 га арпа һәм 50 га солы, Азнакай районында – 1060 га арпа һәм 130 га солы, Актаныш районында – 803 га арпа һәм 200 га солы, Әлмәт районында – 850 га арпа һәм 350 га солы, Мамадыш районында – 300 га арпа һәм 250 га солы, Минзәлә районында – 800 га арпа һәм 50 га солы, Мөслим районында – 200 га арпа һәм 100 га солы, Спас районында – 1588 га арпа һәм 110 га солы, Тукай районында – 200 га арпа һәм 100 га солы, Чирмешән районында – 1598 га арпа һәм 85 га солы, Чистай районында – 4000 га арпа һәм 800 га солы. Зәй районында арпа 8915 га чәчелгән, Аксубай районында – 2757 га, Алексеевск районында – 430 га, Апас районында – 100 га, Баулы районында – 30 га, Кайбыч районында – 300 га, Түбән Кама районында – 1900 га, Яңа Чишмә районында – 200га, Сарман районында – 2350 га, Тәтеш районында – 400 га. Алабуга районында солы 80 гектарда чәчелгән, ә Лаеш районында - 100 га. Гомумән алганда, чәчү 55,2 мең га мәйданда чәчелгән, ә барысы 1796,5 мең гектарда чәчү планлаштырыла.