Зәйдә волонтерлар өлкәннәргә азык-төлек һәм дарулар китерүдә ярдәм итәчәк

Яшьләр эшләре буенча идарә волонтерлары эш көннәрендә 8:00 сәгатьтән 17:00 сәгатькә кадәр 7-07-66 телефоны аша һәм ял көннәрсез 8:00 сәгатьтән 18:00 сәгатькә кадәр 2-82-19 телефоны аша мөрәҗәгать итүче ялгыз яшәүче өлкән яшьтәге гражданнарга ярдәм итәчәкләр. -Санитар-эпидемияләргә каршы комиссия карары белән районда коронавирус таралу ихтималы булу сәбәпле, өйдә калырга мәҗбүр булган өлкән яшьтәге кешеләргә ярдәм итү өчен волонтерлар отряды оештырылды. Волонтерлар отряды кайнар линия телефоннары аша өлкән яшьтәге кешеләргә табиб рецептыннан башка сатыла торган дару препаратлары һәм азык-төлек китерүдә ярдәм күрсәтәчәк. Барлык волонтерлар да коронавирус йогышын профилактикалау буенча профилактик чаралар турында инструктаж уздылар, - дип сөйләде "Яшьләр үзәге" МБУ директоры Оксана Артюхова. Шунысын да билгеләп үтәргә кирәк, волонтерлык ярдәме түләүсез күрсәтелә, әмма азык-төлек һәм даруларны сатып алу өлкән яшьтәге кешеләр хисабына башкарыла.