Татарстанда ишегалларын төзекләндерү буенча президент программасының кайнар линиясе эшли башлады

https://dvor.tatar/docs/ «Безнең ишегалды» программасы сайтында Казан, Чаллы, Түбән Кама һәм Әлмәт ишегалларының план-схемалары басылып чыкты инде. 10 апрельгә программа порталында республиканың барлык муниципаль районнары ишегалды территорияләренең 341 проекты барлыкка киләчәк. Сайт халыкка үз ишегалларын төзекләндерү турында фикерләре белән уртаклашырга мөмкинлек бирә. Үзизоляция режимы шартларында яшәүчеләрнең тәкъдимнәрен шулай ук "Безнең ишегалды" программасының кайнар линиясе бердәм номеры 8 (800) 27-5-2020 буенча кабул итәчәкләр. Халыкны үз ишегаллары проектлары белән танышырга һәм кире элемтәгә чыгарга чакырабыз. Кайнар линия буенча һәм "Безнең ишегалды" программасы сайты аша йортларда яшәүчеләрнең фикерләрен план-схемалар урнаштырылган вакыттан алып 12 апрельгә кадәр өч көн эчендә көтәләр. Татарстан ишегалларын төзекләндерү буенча киң колачлы программаны 2019 нчы елда Татарстан Президенты Рөстәм Миңнеханов тәкъдим итте. Программаны гамәлгә ашыру критерийлары буенча исемлеккә 2014 елга кадәр төзелгән йортларның Татарстан Республикасы Транспорт һәм юл хуҗалыгы министрлыгының ишегалды территорияләрен ремонтлау программасы буенча элек ремонт ясалмаган ишегаллары керә. «Безнең ишегалды» программасы кысаларында планлаштырылган эшләр арасында - юлларны һәм тротуарларны ремонтлау, тышкы яктыртуны ремонтлау, эскәмияләр һәм чүп савытлары урнаштыру, ком- вак таш катнашмасы җәелгән балалар мәйданчыклары, шулай ук каты көнкүреш калдыклары мәйданчыкларын урнаштыру карала.