Район гомуми белем бирү учреждениеләре дистанцион укыту режимына кереште

Халыкның сәламәтлеген саклауны тәэмин итү һәм яңа коронавирус инфекциясен таратмау максатларында, Россия Федерациясе Президенты В.В.Путинның "Россия Федерациясе территориясендә халыкның санитар-эпидемиологик иминлеген тәэмин итү чаралары турында" 2020 елның 2 апрелендәге 239 номерлы Указы нигезендә, 2020 елның 6 апреленнән барлык балалар да электрон укыту һәм дистанцион белем бирү технологияләре ярдәмендә башлангыч гомуми, төп гомуми һәм урта гомуми белем бирү программаларын үзләштерүне дәвам итәчәк. Бүгенгә барлык мәктәпләр яңа эш форматына күчүгә әзер. Уку процессында куллануга рөхсәт ителә торган электрон ресурслар һәм кушымталар җыелмасы билгеләнде. Иң популяр онлайн-платформалар булып "Учи.ру", "Ачык мәктәп 2035" тора. Моннан тыш, мәктәпләр "ЯКласс", "Мәскәү электрон мәктәбе", "Россия электрон мәктәбе", "Решу ОГЭ", "Решу ЕГЭ" сервисларын куллана. Педагоглар сайланган белем бирү платформаларында эшләргә өйрәнделәр, ZOOM-платформа аша онлайн дәрес уздыра алалар. Укытучылар көн саен шәхси консультацияләр узалар, шул исәптән онлайн-режимда. Мәктәп укучылары белән элемтә өчен педагоглар белем бирү платформаларын гына түгел, мессенджерларны да (WhatsApp, Skype һәм башкалар), социаль челтәрләрне дә куллана ала. Ресурсларны нәтиҗәле файдалану өчен дәресләр расписаниесенә һәм сыйныфларны берләштерүгә төзәтмәләр кертергә мөмкин. Шулай ук кирәк булганда уку программаларына да төзәтмәләр кертелергә мөмкин. Белем бирү расланган мәктәп расписаниесе нигезендә үткәреләчәк. Техник мөмкинлекләре булу- булмауга карамастан, барлык балалар да укыту процессына җәлеп ителәчәк. Балада сыйныфташлары белән беррәттән укыту өчен техник проблемалар булган яки барлыкка килгән очракларда башка вариантлар да эшкәртеләчәк. Укытучы, мәсәлән, укучының белем бирү платформасына кушылу мөмкинлеге булмаса, мессенджерлар һәм электрон почта куллана ала. Тугызынчы һәм унберенче сыйныф укучыларына дәүләт йомгаклау аттестациясенә әзерләнгәндә Федераль педагогик үлчәүләр институты биремнәренең ачык банкы белән мөстәкыйль эшләргә тәкъдим ителә http://fipi.ru/. Белем алучыларның ата-аналары белән бергәләп укыту процессында, шулай ук өстәмә үзәзерлек кысаларында куллана ала торган ресурслары түбәндәге сылтамалар буенча урнашкан: http://mon.tatarstan.ru/rus/obrazovatelnie-onlayn-platformi-i-tsifrovie.htm/; https://edu.gov.ru/press/2214/ministerstvo-prosvescheniya-rekomenduet-shkolam-polzovatsya-onlayn-resursami-dlya-obespecheniya-distancionnogo-obucheniya/; https://edu.gov.ru/distance/. Конкрет мәктәп буенча төгәл мәгълүматны «Татарстан Республикасының Электрон белем бирү» дәүләт мәгълүмат системасындагы «Дистанцион белем» бүлегендә алырга мөмкин. Укучыларга, тәрбияләнүчеләргә һәм ата-аналарга, педагогларга дистанцион рәвештә укыту режимы шартларында психологик-педагогик ярдәмне 7-13-40 телефоны буенча алырга мөмкин. Дистанцион белем бирүне оештыру буенча консультация ярдәмен сезгә 7-08-13, 7-15-87 телефоннары буенча күрсәтәчәкләр.