Зәйдә үз-үзеңне изоляцияләү режимын бозган өчен штрафка тарту башланды

2020 елның 3 апрелендә Зәй муниципаль районы территориясендә РФ административ хокук бозулар Кодексы 6.3 маддәсе 2 өлеше «Халыкның санитар-эпидемиологик иминлеген тәэмин итү өлкәсендә законнарны бозу» буенча 3 административ беркетмә төзелде. Шәһәр һәм район юлларында 3 машина йөртүче тоткарланган, алар документларын тикшергәндә хәрәкәт итү мөмкинлеген бирә торган электрон махсус пропуск күрсәтмәгән, шулай ук эш бирүчедән билгеләнгән үрнәктәге белешмәләре булмаган. Әлеге гражданнарга карата административ материаллар төзелеп, шәһәр судына җибәрелгән, анда һәркайсына 15 мең сум күләмендә административ штраф салу турында карар кабул ителгән. 4 апрельдә үз-үзен изоляцияләү режимын бозган өчен тагын 2 материал суд каравында.