Чит илләрдән кайткан зәйлеләр акрынлап үз-үзләрен изоляцияләү режимыннан чыга

Зәй районы үзәк хастаханәсенең баш табибы Айдар Фатыйхов мәгълүматларына караганда, бүгенге көндә 54 кеше үз-үзләрен изоляцияли. Карантинның 10нчы көнендә алардан авыру билгеләре бармы - юкмы икәнлеген ачыклау өчен, гигиена һәм эпидемиология үзәгенә җибәрелә торган анализлар алына. Зәй районында коронавирус белән авыруның бер генә очрагы да теркәлмәгән. Зәй районы үзәк хастаханәсе штат режимында эшли.