Зәйдә эшсез гражданнарның беренче төркеме яңа белгечлек ала

Зәй шәһәре матурлык салоннарының берсендә иртә таңнан эш кайный, 12 кеше яңа һөнәр үзләштерә. Биредә Зәй халык мәшгульлеге үзәге юлламасы буенча эшсез гражданнар арасыннан «Чәчтараш» төркеме тупланды. Алар теоретик мәгълүматны практикада ныгыталар, күнекмәләр алалар, кирәкле «чәчтараш» һөнәренең нечкәлекләрен үзләштерәләр. Укытуны «Инновацияләр, менеджмент һәм бизнес көллияте» җитештерү берләшмәсе алып бара. Дәресләрне остаз Татьяна укыта, ул бу өлкәдә берничә дистә ел эшләгән. Курслар программасы ике ай дәвам итәчәк. Бу вакыт эчендә укучылар «Чәчтараш» һөнәренең заманча технологияләрен үзләштерә. Барлык гамәли күнекмәләр модельләрдә эшләнә. Әлегә алар бер-берсенә прическа ясыйлар, чәчләрен буйыйлар, тигезлиләр. Уку тәмамлангач, йомгаклау аттестациясен уңышлы тапшырганнан соң, яңа осталар таныклыклар алачак.