Зәйдә торак-коммуналь хуҗалык өчен түләүләр буенча киңәшмә узды

Бүген район Башкарма комитеты җитәкчесе И.Ф. Хафизов торак-коммуналь хуҗалык өчен җыемнар буенча киңәшмә үткәрде. Киңәшмәдә Башкарма комитет җитәкчесенең инфраструктура үсеше буенча урынбасары Н.А. Нифатов, торак милекчеләре ширкәте җитәкчеләре, торак - коммуналь хуҗалык өлкәсенең җаваплы хезмәткәрләре катнашты. Киңәшмәнең көн тәртибендә район территориясендә коммуналь хезмәтләр өчен түләүләрне җыю буенча ашыгыч чаралар күрү мәсьәләсе торды. Башкарма комитет җитәкчесе И. Ф. Хафизов җаваплы затларга бу эшне тагында активлаштырырга кушты һәм кардиналь чаралар күрү зарурлыгын әйтте.