Зәйдә “Ярминкәләр вакансиясе” узды

2020 елның 16 марты, дүшәмбе

13 мартта “Зәй шәһәре мәшгульлек үзәге” дәүләт казна учреждениесендә “Ярминкәләр вакансиясе” узды. Анда өч оешма - “КАМАЗ” ААҖ Тимер заводы, “КАМАЗ” ААҖ Кою заводы, “АЛНАС” ҖЧШ вәкилләре катнашты. Ярминкәгә 33 кеше килде, аларның 33е – хатын-кыз. Эш эзләүчеләргә 115 эш урынына 67 вакансия тәкъдим ителде, кирәкле мәгълүмат – вахта ысулы булу, эш графигы, хезмәт хакы күләме, эш шартлары һәм таләпләр, медицина күзәтүе узу турында мәгълүмат бирелде. 33 кеше белешмә-консультация алды.