Зәйдә Икътисади Советның чираттагы утырышы узды

Бүген хакимият бинасының кече залында район башлыгы Разиф Гали улы Кәримов Икътисади Советның чираттагы утырышын үткәрде. Анда «Зәй» Агросәнәгать паркының 2019 елдагы эш нәтиҗәләре һәм 2020 елга перспектив үсеш планнары каралды. Утырышта оешма җитәкчесе Руслан Рәхимҗанов предприятие эшчәнлегенең төп төрләре турында сөйләде. Коллективта 28 кеше эшли. Агросәнәгать паркы хезмәт хакы һәм салым җыемнары түләү буенча бурычлы түгел. Утырышка йомгак ясап, район башлыгы Разиф Гали улы Кәримов предприятиене алга таба үстерү буенча үз киңәшләрен бирде, тотрыклы эш өчен рәхмәт белдерде.