Район башлыгы Разиф Галиевич Кәримовның 8 Март-Халыкара хатын-кызлар көне белән котлавы

Кадерле хатын-кызларыбыз! Сезне чын күңелдән язның беренче бәйрәме – Халыкара хатын-кызлар көне белән котлыйм! Бу көн чын мәгънәсендә шатлык һәм күтәренке кәеф бүләк итә һәм, гадәттәгечә, аеруча җылы, ихлас күңел белән билгеләп үтелә. Безнең яшәешебезне, тормышыбызны хатын-кыз матурлыгы, сөйкемлелеге, игелеклелеге һәм назыннан башка күз алдына да китереп булмый. Хатын-кызга табигать бүләк иткән мәхәббәтнең бөек көче дөньяны яңарта, аны яктылык һәм гармония, якты хисләр һәм язгы сафлык белән баета. Сез бүләк иткән күңел җылысы һәм кайгыртучанлык авыр минутларда ярдәм итә, яхшы киләчәккә өмет һәм ышаныч уята. Шунысы куанычлы, хәзерге җәмгыятьтә хатын-кызларның роле даими рәвештә үсә бара һәм гүзәл затларның күбесе тормышта югары үрләр яулый. Зәй районы хатын-кызлары үзләреннән районыбызның икътисади, сәяси һәм иҗтимагый тормышы үсешенә зур өлеш кертәләр. Сез сәнәгатьтә алыштыргысыз, мәгариф, сәламәтлек саклау, мәдәният кебек тармаклар башлыча сезнең хезмәткә, тырышлыкка бәйле. Бетмәс-төкәнмәс энергиягез белән сез үзегезне бизнеста, идарә өлкәсендә, иҗтимагый һәм сәяси эшчәнлектә күрсәтәсез. Теләсә нинди эшне сез уңышлы башкарып чыгасыз һәм үз һөнәрегезнең остасы, әле моның өстенә сезнең нәфис иңнәрегезгә гаиләгез турында кайгырту, йорттагы җылылык һәм уңайлылыкны тәэмин итү дә йөкләнгән. Бөек Ватан сугышында ир-атлар белән беррәттән сугышның барлык авырлыкларын үз җилкәсендә күтәргән өлкән буын хатын-кызлары аерым хөрмәткә лаек. Батырлыгыгыз, ватанпәрвәрлек һәм чыдамлыгыгыз өчен рәхмәт сезгә! Хөрмәтле хатын-кызлар, сезгә ныклы сәламәтлек, бәхет, тыныч тормыш, мәхәббәт һәм гаилә иминлеге телим!