Зәйдә хезмәтне саклау мәсьәләләре буенча Координацион Совет утырышы узды

Бүген Зәйдә хезмәтне саклау һәм техника куркынычсызлыгы буенча киңәшмә булып узды. Ул район Башкарма комитеты җитәкчесе И.Ф. Хафизов рәислегендә үтте. Киңәшмәдә хезмәтне саклау буенча Координацион Советның 2019 ел эшчәнлегенә нәтиҗә ясалды һәм 2020 елга план кабул ителде. Әлеге мәсьәлә буенча район Башкарма комитеты җитәкчесенең инфраструктура үсеше буенча урынбасары, Координацион Совет рәисе Н.А.Нифатов чыгыш ясады. Чарада Татарстан Республикасында дәүләт хезмәт инспекциясе җитәкчесе урынбасары вазифаларын башкаручы, баш хезмәт инспекторы Ф.Р. Хәернасов катнашты һәм дәүләт хезмәт инспекциясе эшчәнлегенең төп аспектлары турында сөйләде. Шәһәр прокуроры урынбасары И.П. Якупова чыгышында шәһәр предприятиеләрендә хезмәтне саклау өлкәсендә законнар үтәлешен яктыртты. Мәшгульлек үзәге директоры вазифаларын башкаручы О.В. Лаптева 2019 елда районда социаль-хезмәт мөнәсәбәтләре үсеше турында чыгыш ясады. Киңәшмәгә район Башкарма комитеты җитәкчесе И.Ф.Хафизов йомгак ясады.