Район башлыгы Икътисади совет утырышы үткәрде

2020 елның 22 феврале, шимбә

Бүген район башлыгы Р.Г. Кәримов рәислегендә узган Икътисади совет утырышында «НК - Сервис» ҖЧҖнең 2019 елдагы эшчәнлеге нәтиҗәләре һәм 2020 елга перспективалы планнары турында сөйләштеләр. Төп доклад белән «НК - Сервис» ҖЧҖ директоры Йосыпов Илнур Минҗан улы чыгыш ясады. 2012 елның декабрендә төзелгән «НК-сервис Зәй» җаваплылыгы чикләнгән җәмгыятенең 1-4 класслы куркыныч калдыкларны җыю, ташу, эшкәртү, утильләштерү, зарарсызландыру, урнаштыру буенча эшчәнлек төрен башкаруга лицензиясе бар. Оешманың планнарында - халыкка уңайлы шартлар тудыру өчен күрсәтелә торган хезмәтләрнең сыйфатын яхшырту тора. Район башлыгы Р.Г. Кәримов утырышка йомгак ясады һәм авыл торак пунктларыннан калдыкларны җыюга кагылышлы мәсьәлә буенча үз киңәшләрен бирде.