Зәйдә “Ватан даны өчен” бәйрәм концерты узды

21 февральдә «Энергетик» мәдәният сараенда Ватанны саклаучылар көненә багышланган «Ватан даны өчен» бәйрәм концерты узды. Концерт программасында 200дән артык башкаручы катнашты. 1,5 сәгать дәвамында тамашачыларны коллективларның һәм аерым башкаручыларның яңа концерт номерлары сөендерде. Тәбрикләү сүзе белән зәйлеләргә Татарстан Республикасы Зәй муниципаль районы Советы аппараты җитәкчесе Л.Г. Ананьева мөрәҗәгать итте.