Зәй районында мәдәният хезмәткәрләренең күчмә семинары узды

20 нче февральдә Чыбыклы мәдәният йортында Үзешчән театр иҗаты: хәзерге шартларда үсеш перспективалары" дигән темага район мәдәният хезмәткәрләренең күчмә семинары булып узды. Кунакларга "Бәби ашы китерү йоласы" дип исемләнгән театральләштерелгән тамаша күрсәтелде. Аннары Чыбыклы авыл мәдәният йорты директоры Р.Х. Гатауллин әлеге семинар темасы буенча доклад белән чыкты. Район мәдәният йорты методисты Г.Р. Гущина театр елына йомгак ясады. Шулай ук семинарда катнашучыларга күргәзмә дә тәкъдим ителде.