Зәйдә сәламәтлек саклау елына старт бирелде

Сәламәтлек-зур байлык! Районда сәламәтлек саклау елына шундый девиз астында старт бирелде. Бүген «Энергетик» мәдәният йортында Зәй муниципаль районында сәламәтлек саклау елын ачу тантанасы булды. Зәйлеләргә сәламләү сүзе белән район башлыгы Р.Г. Кәримов мөрәҗәгать итте. Үзенең чыгышында район башлыгы бу елда Медицина хезмәткәре һөнәрен тагын да популярлаштыруга, демографиядә уңай тенденциягә ирешүгә, гражданнарның һәркем өчен мөмкин булган һәм сыйфатлы медицина ярдәме алуга хокукларын тәэмин итүгә, районара һәм республика конференцияләрен үткәрүгә юнәлдерелгән мөһим чаралар планлаштырылганлыгын билгеләп үтте, аларның барысыда гражданнар сәламәтлеген ныгытуга юнәлдерелгәнен ассызыклады. Разиф Галиевич сәламәтлек саклау елын югары дәрәҗәдә үткәрүләрен теләде, зәйлеләрне сәламәт яшәү рәвешенә чакырды. Медицина нинди генә камил булса да, кеше сәламәтлегенең төп нигезе булып аның турында кайгырту кала. Шулай ук биредә квалификацияле кадрлар белән тәэмин итү мәсьәләсе дә күтәрелде, аларны җәлеп итү өчен төрле чаралар күреләчәге турында да әйтелде. Медицина хезмәткәрләрен Зәй үзәк район хастаханәсенең баш табибы Айдар Фатыйховта котлады. Шәһәр һәм район коллективлары чыгышы чарага тагын да ямь өстәде. Тармак ветераннарына ТАССРның 100 еллыгына багышланган истәлекле билгеләр тапшырылды.