Аксар авыл җирлегендә халык җыены узды

Бүген Аксар авыл җирлегендә район башлыгы урынбасары В. Г. Акатьев, район Башкарма комитеты җитәкчесе И.Ф. Хафизов, шәһәр һәм район хезмәтләре һәм ведомстволары вәкилләре катнашында гражданнар җыены узды. Зәй муниципаль районы Башкарма комитеты җитәкчесе Хафизов Илнар Фәнил улы авыл халкына Зәй муниципаль районының 2019 елдагы социаль-икътисади үсеш нәтиҗәләре һәм 2020 елга куелган төп бурычлар турында аңлатты. Аксар авыл җирлеге башлыгы Гыйльманов Юрий Исмәгыйль улы авыл җирлегендә башкарылган эшләр турында сөйләде. Авыл хуҗалыгы һәм азык-төлек идарәсенең җитештерү-маркетинг бүлеге башлыгы Хәмидуллин Шәфыйк Фатыйх улы, 2019 елда район авыл хуҗалыгы өлкәсен үстерү нәтиҗәләре һәм 2020 елга куелган планнар белән таныштырды. Очрашу барышында Россия Эчке эшләр министрлыгының Зәй районы буенча бүлегенең полиция участок уполномоченные авыл җирлегендәге оператив хәл, Зәй үзәк хастаханәсе оештыру бүлеге мөдире Зәй муниципаль районында сәламәтлек саклау өлкәсен үстерү турында чыгыш ясадылар. Җыен ахырында авыл җирлеге тормышында актив җәмәгать эшчәнлеге алып баручы Рәкыйпов Газим Насыр улы һәм Мингалин Марсель Фәиз улы Башкарма комитет җитәкчесенең Рәхмәт хаты белән бүләкләнделәр. Авыл җирлеге башлыгының истәлекле бүләкләре Салих хәзрәт Зиннәтов, Фирдәүс Шакирҗанова, өченче Бөгелдедә 55 ел бергә гомер итүче Леонид Михайлович һәм Зоя Никодимовна Мельниковлар, Буре-Сарай һәм Иске Токмак авылларын кардан чистартуда актив ярдәм күрсәткәне өчен фермер Фәрит Хәйретдиновка тапшырылды. Җыен вакытында халык борчыган проблемалары белән уртаклашты. Барлык мөрәҗәгатьләр дә теркәлде, алга таба карап тикшерү өчен контрольгә алынды.