Зәйдә шәһәр театр фестивален үткәрү буенча киңәшмә узды

15 гыйнварда “Энергетик” мәдәният йортында Башкарма комитет җитәкчесе И.Ф. Хафизов шәһәр оешмалары һәм предприятиеләре вәкилләре белән берлектә Россия Федерациясендә Җиңүнең 75 еллыгы һәм Татарстан АССР төзелүгә 100 ел тулу уңаеннан, “Хәтер һәм Дан” елына багышланган “Безгә дөньяны сакларга васыять ителгән”- шәһәр театр фестивален үткәрү мәсьәләләре буенча киңәшмә үткәрде. Киңәшмәдә район мәдәният идарәсе башлыгы С.Ю. Ревина һәм «Энергетик» мәдәният йорты сәнгать җитәкчесе О.П. Васильева чыгыш ясадылар. Фестивальнең төп юнәлеше – патриотизм һәм Ватанга мәхәббәт булдыруга юнәлдерелгән. Ул бер турда үткәрелә. Фестиваль җиңүчеләре һәм призерлары үз иҗатларын 2020 елның 9 маенда Зәй муниципаль районында Җиңүнең 75 еллыгын бәйрәм итү кысаларында тематик мәйданчыкларда тәкъдим итәчәкләр. Башкарма комитет җитәкчесе И. Ф. Хафизов барлык катнашучыларга да сайлап алу турын уздыруда уңышлар теләде.