Зәйдә «Минем ишегалды лагере» проектын тормышка ашыру бара

3-12 гыйнварда Зәй шәһәрендә «Минем ишегалды лагере»проектын тормышка ашыру бара. Ишегалды лагереның кышкы сменасы «Кышкы ишегалды» дип атала, ул бөтен шәһәрнең 10 мәйданчыгын берләштерә. Биредә кышны каникуллар булуга карамастан, Зәй политехник көллияте укучылары һәм студентлары арасыннан 22 вожатый көнгә икешәр сәгать эшли. Сменаның тематикасы декабрь аенда ук эшләнгән иде. Шулай ук ишегалды мәйданчыкларындагы балалар белән әйдаманнарның көндәлек эшенә керә торган чаралар да алдан билгеләп куелган иде. Лагерь 13:00 сәгатьтән 15:00 сәгатькә кадәр, ә 9 һәм 10 гыйнварда 15:00 сәгатьтән 17:00 сәгатькә кадәр эшли. 9 гыйнварда «Энергетик» мәдәният сарае каршындагы мәйданда гомуми чара үткәрелде, анда балалар флешмоблар биеделәр һәм смена тематикасы буенча әзерләнгән «Кышкы сәфәр» квестында булдылар. 10 гыйнварда балаларга анимацион фильм карау өчен «Космос»яшьләр үзәгендә массакүләм сәяхәт оештырылды. Гомумән алганда, кышкы смена уңышлы узды, лагерьга 200гә якын бала килде. Балалар һәм вожатыйлар бик күп уңай эмоцияләр алдылар.