Зәйдә гадәттән тыш хәлләрне кисәтү һәм янгын куркынычсызлыгын тәэмин итү комиссиясенең утырышы узды

2020 елның 9 гыйнварында хакимиятнең кече залында Башкарма комитет җитәкчесе Илнар Фәнил улы Хафизов рәислегендә, Зәй муниципаль районының гадәттән тыш хәлләрне кисәтү, бетерү һәм янгын куркынычсызлыгын тәэмин итү комиссиясенең планнан тыш утырышы узды. Зәй муниципаль районы территориясендә янгын куркынычсызлыгының торышы, янгыннарның санын киметү һәм аларда кешеләрнең һәлак булу очракларын булдырмау мәсьәләсе каралды. Утырыш кысаларында профилактик эш дәрәҗәсен күтәрү һәм район территориясендә кешеләрнең иминлеген тәэмин итү буенча конкрет карарлар эшләнде, тиешле анализ ясалды.