Пенсия яшенә җитеп килүче хезмәткәрләрне укыту нәтиҗәләре

2019 елда Татарстан Республикасында “Демография” илкүләм проектының “Өлкән буын” федераль проектын гамәлгә ашыру кысаларында Зәй шәһәре халык мәшгульлеге үзәге тарафыннан пенсия яшенә җитеп килүче гражданнарны укыту оештырылды. Укуларның максаты: инде булган белемнәрне, күнекмәләрне һәм компетенцияләрне үзләштерү яки үстерү, хезмәт базарында көндәшлеккә сәләтне һәм һөнәри мобильлекне арттыру. Әлеге чараларны гамәлгә ашыру нәтиҗәсендә пенсия яшенә җитеп килүче 16 дәүләт (муниципаль) учреждение хезмәткәре һәм «Зәй шикәре» заводының 17 хезмәткәре һөнәри белем алды. Муниципаль учреждение хезмәткәрләре “Бухгалтер”, «Педагог-дефектолог» һәм «Педагог-психолог» юнәлешләре буенча һөнәри әзерлек узды. «Зәй шикәре» заводы хезмәткәрләре “Күтәргеч механизмнар өчен йөкләрне беркетүче” (стропальщик), «Төзелеш монтаж эшләре мастеры», «Аеруча куркыныч, техник яктан катлаулы һәм уникаль объектларда төзелеш куркынычсызлыгы һәм төзелеш контролен тормышка ашыру», «Хезмәтне саклау белән идарә итү" программалары буенча укулар узды. 50 һәм аннан өлкәнрәк яшьтәге затларны, шулай ук пенсия яшенә җитеп килүче затларны укыту программасы киләсе елда да дәвам итәчәк. Дәүләт (муниципаль) учреждениеләре, шулай ук шәхси оешмалар үз хезмәткәрләрен федераль проект кысаларында укытып алу мөмкинлеге бар. Халык мәшгульлеге үзәге укуга гаризалар кабул итә.