«Энҗе» балалар бакчасында бассейн ачылды

27 декабрь көнне «Энҗе» балалар бакчасында төзелеш эшләре тәмамланды. Бассейн бүлмәләре, эчке инженерлык системалары биналарына ремонт ясалган. Бассейн үзенең беренче килүчеләрен көтә. Биредә беренчеләрдән булып мәктәпкә әзерлек төркеме укучылары булды. Судагы күңелле уеннар яшь йөзүчеләрнең кәефен күтәреп кенә калмыйча, су процедураларының бөтен гүзәллеген тоярга мөмкинлек бирде. Башка төркем балалары да читтә калмады, үз тәрбиячеләре белән яңа бассейнга экскурсиягә килделәр. Йөзү-баланы чыныккан, сәламәт һәм физик яктан нык үскән итү өчен иң гади ысулларның берсе. Ул салкын тиюдән һәм башка авырулардан чыныгу, иммунитетны ныгыту, матдәләр алмашын, йокыны, аппетитны яхшырту, нерв, сулыш, йөрәк-кан тамырлары системаларын, терәк-хәрәкәт аппаратын ныгыту өчен яхшы. Безнең балалар физик яктан камилләшү һәм сәламәтлекләрен ныгыту гына түгел, киләчәктә дә чын спортчылар булу мөмкинлегенә ия булдылар.