Зәйдә "Бөек Җиңүнең 75 еллыгын каршылап" акциясе узды

«Бердәм Россия» партиясенең Татарстан төбәк бүлеге тарафыннан, Зәй муниципаль районының «Бердәм Россия» фракциясе депутатлары катнашында сугыш ветераннарын һәм тыл хезмәтчәннәрен якынлашып килүче яңа 2020 ел - Бөек Ватан сугышында Җиңүнең 75 еллыгы белән котлау оештырылды. Аларга бүләк итеп азык-төлек җыелмалары тапшырылды. Ветераннарга партиянең Зәй җирле бүлекчәсе башкарма сәркатибе Флорида Әхмәтвәлиева, Зәй шәһәре Советы депутатлары Ольга Дубровина, Рәсил Әгъләмов мөрәҗәгать иттеләр һәм үзләренең җылы котлауларын җиткерделәр: «Хөрмәтле ветераннар! Без сезнең буын - авыр сынаулар аша намус белән үткән һәм уртак җиңүгә бәһасез өлеш керткән геройлар һәм җиңүчеләр буыны белән чиксез горурланабыз! Сезнең барыгызга да нык сәламәтлек, иминлек телибез!