"Хезмәтне саклау буенча иң яхшы төзелеш оешмасы" республика конкурсы үткәрелә

2018-2020 елларга Татарстан Республикасында төзелеш тармагында хезмәт шартларын яхшырту һәм хезмәтне саклау буенча республика тармак программасын үтәү йөзеннән, сәнәгать предприятиеләрендә, төзелеш оешмаларында хезмәт шартларын һәм хезмәтне саклауны яхшырту, аларның хезмәт эшчәнлеге барышында хезмәткәрләрнең сәламәт һәм куркынычсыз хезмәт шартларын булдыру, җитештерүдәге имгәнүләрне профилактикалау, хезмәтне саклау буенча ведомство һәм иҗтимагый контрольне көчәйтү буенча эш алып барыла. Татарстан Республикасы төзелеш, архитектура һәм торак - коммуналь хуҗалык министрлыгы (алга таба – министрлык), Татарстан республика оешмасы (Россия төзүчеләр профсоюзы) һәм Татарстан Республикасы төзүчеләр берлегенең 25.12.2013 ел карары белән, Татарстан Республикасында ел саен үткәрелә торган Татарстан Республикасының төзелеш тармагында хезмәтне саклау буенча иң яхшы төзелеш оешмасы (алга таба-бәйге) республика конкурсы үткәрелә. Татарстан Республикасы конкурсы турындагы Нигезләмә буенча конкурс 3 төркем буенча үткәрелә: I төркем: төзелеш оешмалары: а) еллык эш күләме 50 млн. сумга кадәр; б) еллык эш күләме 50 млн. сумнан 500 млн. сумга кадәр; в) башкарылган эшләрнең еллык күләме 500 млн. сумнан артык. II төркем: махсуслаштырылган монтаж оешмалары: а) еллык эш күләме 50 млн. сумга кадәр; б) еллык эш күләме 50 млн. сумнан 500 млн. сумга кадәр; в) еллык эш күләме 500 млн. сумнан артык. III төркем: төзелеш индустриясе предприятиеләре: а) хезмәткәрләр саны буенча 100 кешегә кадәр; б) хезмәткәрләр саны буенча 100 дән артык. Хезмәт министрлыгында элемтә өчен җаваплы зат – Зиннуров Рафаэль Акрамттинович, 8(843) 231-14-73, (Rafael.Zinnurov@tatar.ru). Тулырак мәгълүматны, Татарстан Республикасы Зәй муниципаль районы Башкарма комитетының ТКХ, төзелеш, транспорт, энергетика, элемтә һәм юл хуҗалыгы бүлеге 3-37-47 телефоны буенча алырга мөмкин.