Зәй ГРЭСында Энергетиклар көненә багышланган тантана узды

22 декабрь - Энергетиклар көне. Әлеге уңайдан бүген Зәй ГРЭСында тантаналы чара булып үтте. Аның эшендә район башлыгы урынбасары Валерий Григорьевич Акатьев, “Татэнерго” АҖ генераль директорының стратегик үсеш буенча урынбасары Рим Мозаффарович Галиәхмәтов катнашты.Традиция буенча станция коллективы вәкилләре алдында ГРЭС директоры Сергей Александрович Токмачев агымдагы ел эшчәнлегенә йомгак ясады. Энергетикларны район башлыгы исеменнән Валерий Григорьевич Акатьев котлады. Рим Мозаффарович Галиәхмәтов Зәй энергетикларына “Татэнерго” АҖ генераль директоры котлавын җиткерде. Тантана ахырында бер төркем хезмәт алдынгыларына төрле Мактау кәгазьләре һәм Рәхмәт хатлары тапшырылды.