Зәйдә коррупциягә каршы көрәш буенча эшне координацияләү комиссиясе утырышы булды

Бүген хакимиятнең кече залында Зәй муниципаль районы башлыгы Р. Г. Кәримов рәислегендә Коррупциягә каршы көрәш буенча эшне координацияләү комиссиясе утырышы булды. Утырыш эшендә шәһәр прокуроры Р.Р. Кәримов катнашты, ул комиссия әгъзаларын һәм чакырылган кунакларны Зәй муниципаль районында коррупциягә каршы тору турындагы законнарның үтәлешенә күзәтчелек нәтиҗәләре белән таныштырды. Район Советының юридик бүлек башлыгы В.В. Кудряшов хокук саклау һәм контроль-күзәтчелек органнарыннан килгән җавап бирү актларын анализлады һәм гомумиләштерде. 2018 елда «2015-2020 елларга Зәй муниципаль районының коррупциягә каршы сәясәтен гамәлгә ашыру» муниципаль программасының үтәлеше турында район башлыгының коррупциягә каршы көрәш мәсьәләләре буенча ярдәмчесе Т.В. Токмакова сөйләде. Көн тәртибендәге башка мәсьәләләр арасында комиссиянең 2020 елга эш планы расланды. Комиссия рәисе комиссия утырышына йомгак ясады һәм көн тәртибендәге һәр пункт буенча үз искәрмәләрен һәм йөкләмәләрен җиткерде.