Район башлыгы Р.Г.Кәримов Татарстан Республикасында коррупциягә каршы тору эшен координацияләү комиссиясенең чираттагы утырышында катнашты

2019 елның 9 декабрендә Казан Кремлендә Татарстан Республикасы Президенты Р.Н. Миңнеханов рәислегендә, Татарстан Республикасында коррупциягә каршы тору эшен координацияләү комиссиясенең чираттагы утырышы узды. Муниципаль районнарда утырыш видеоконференцэлемтә режимында җирле администрация студияләрендә трансляцияләнде. Зәй муниципаль районында утырышта Башкарма комитет җитәкчесе һәм урынбасарлары, коррупциягә каршы тору эшен координацияләү комиссиясе һәм муниципаль хезмәткәрләрнең хезмәт тәртибе таләпләрен үтәү һәм мәнфәгатьләр каршылыгын җайга салу комиссиясе әгъзалары, шәһәр прокуроры, сәламәтлек саклау һәм мәгариф учреждениеләре җитәкчеләре катнашты. Утырышта «коррупция дәрәҗәсен бәяләү буенча социологик тикшеренүләр нәтиҗәләрен исәпкә алып коррупциягә каршы эшнең нәтиҗәлелеген арттыру чаралары турында» һәм «2018-2020 елларга коррупциягә каршы тору илкүләм планын һәм «2015-2020 елларга Татарстан Республикасында коррупциягә каршы сәясәтне гамәлгә ашыру»дәүләт программасының үтәлеше турында " һәм башка мәсьәләләр каралды. Утырыш нәтиҗәләре буенча Татарстан Республикасы Президенты Рөстәм Миңнеханов тарафыннан муниципаль район башлыкларына, Башкарма комитет җитәкчеләренә ведомство буйсынуындагы учреждениеләрнең эшчәнлеген контрольдә тотуны көчәйтү,сәламәтлек саклау оешмалары җитәкчеләренә түләүсез күрсәтелергә тиешле хезмәтләр өчен түләүне булдырмау, сырхауханәләрне табиб-белгечләр белән тулыландыру мәсьәләләрен хәл итү турында көп төрле йөкләмәләр бирелде һәм тәкъдимнәр әйтелде.