Зәйдә Халыкара коррупциягә каршы көрәш көненә багышланган чаралар үтә

Ел саен 9 декабрьдә дөньяда БМО Генераль Ассамблеясы тарафыннан игълан ителгән Халыкара коррупциягә каршы көрәш көне билгеләп үтелә. Гадәттәгечә, бу көнне дөньяның күп кенә илләрендә мөһим сәяси очрашулар һәм акцияләр уздырыла, Халыкара коррупциягә каршы көрәш көненә багышланган демонстрацияләр, конференцияләр, семинарлар һәм башка чаралар үткәрелә. 2019 елның 25 ноябреннән 15 декабренә кадәр Зәй муниципаль районы башлыгы карары белән расланган план нигезендә, районда мәгариф оешмаларында, көллияттә, мәдәният, спорт учреждениеләрендә, яшьләр эшләре идарәсендә, оешмаларда һәм предприятиеләрдә җәмәгатьчелек, депутатлар, хокук саклау органнары һәм җирле үзидарә органнары вазыйфаи затлары катнашында тематик чаралар үткәрелә.