Зәйдә традицион авыл хуҗалыгы ярминкәләре уза

Атна саен шимбә көнне Зәй муниципаль районында традицион авыл хуҗалыгы ярминкәләре уза. 7 декабрьдә чираттагы ярминкә узды, анда түбән бәяләрдән һәм киң ассортиментта яшелчә, җиләк-җимеш, ит һәм ит продуктлары, сөт һәм сөт продуктлары, он һәм ярма эшләнмәләре, кондитер әйберләре, бал, йомырка тәкъдим ителде. Зәйлеләр ярминкәләрдә актив катнашалар, фермер һәм авыл хуҗалыгы продукциясен җитештерүченең үзеннән турыдан –туры сатып алалар. Ит продукциясенә ихтыяҗ аеруча зур.