Зәйдә район башлыгы каршындагы физик культура, спорт һәм туризм буенча Совет утырышы узды

Бүген Олимпия чемпионы Ф.П. Симашев исемендәге олимпия резервы спорт мәктәбендә район башлыгы каршындагы физик культура, спорт һәм туризм буенча Совет утырышы узды. Советта Зәй муниципаль районында спортны үстерүнең төрле юнәлешләре буенча «Зәй муниципаль районында физик культура һәм спорт торышы» муниципаль казна учреждениесе башлыгы Әшрапов Илфат Зиннур улы, Олимпия чемпионы Ф.П. Симашев исемендәге олимпия резервы спорт мәктәбе директоры Галиев Эмиль Эдуард улы, Якты Күл авыл җирлеге башлыгы Мөхтәров Зиннур Захир улы, Зәй ГРЭСЫ профсоюз оешмасы рәисе А.П.Алчин чыгыш ясадылар. Статистик хисап күрсәткечләре буенча 2018 елда Зәй муниципаль районында физик культура һәм спорт белән даими шөгыльләнүче кешеләр саны 47,8% тәшкил итә. Безнең районда 4 спорт мәктәбе эшли, 19 спорт төре үстерелә. Бүгенге көндә район спортчылары 85 республика, 37 Бөтенроссия, 7 халыкара ярышларда катнаштылар. Безнең спортчыларыбыз төрле дәрәҗәдәге ярышларда 156 алтын, 119 көмеш, 174 бронза медаль яулады.