Бөтенроссия студентлар отрядларының Зәй штабы командиры Беларуссия слетында

29 ноябрьдән 1 декабрьгә кадәр Минск шәһәрендә Белоруссия Республикасы Студентлар отрядлары өчен иң мөһим чара-Студентлар Отрядларының Бөтенбелоруссия слеты узды. Россия делегациясе составында Татарстан төбәк бүлегенең өч вәкиле, шул исәптән студентлар отрядларының Зәй штабы командиры Рыбацкий Виктор барды. Слетның беренче көнендә Россия делегатлары өчен Минскның төп проспекты буйлап экскурсия оештырылды. Шәһәр тарихы турында сөйләделәр, кызыклы урыннар күрсәттеләр. Шулай ук яшьләр союздаш дәүләтләр азат итүчеләрен бер минут тынлык белән искә алдылар һәм «Җиңү» музей-парк комплексында чәчәкләр салдылар. Экскурсиядән соң хезмәт семестры нәтиҗәләре буенча слетны ачу һәм белорус студентлар отрядларының иң яхшы командирларын һәм комиссарларын бүләкләү булды. Икенче һәм өченче көнне иҗади конкурслар узды, анда Белоруссиядән килгән отрядлар чыгыш ясады, җыр, бию һәм оригиналь жанрларда үз осталыкларын күрсәтте. Шулай ук мәгариф мәйданчыклары, спорт чаралары да бар иде.