Зәйнең «Халыкны эш белән тәэмин итү үзәге»ндә инвалидлар декадасына багышланган вакантлы эш урыннары ярминкәсе узды

5 декабрь көнне Зәй шәһәренең «Халыкны эш белән тәэмин итү үзәге» ДКУда сәламәтлек мөмкинлекләре чикләнгән гражданнар өчен, инвалидлар декадасына багышланган вакантлы эш урыннары ярминкәсе узды. Ярминкәдә Зәй муниципаль районының 2 нче урта мәктәбе, Зәй муниципаль районының балалар иҗат йорты муниципаль бюджет өстәмә белем бирү учреждениесе, Зәй муниципаль районының "Яшьләр эшләре буенча идарәсе» муниципаль бюджет учреждениесе вәкилләре, «Агроторг» ҖЧҖ, шулай ук сәламәтлек мөмкинлекләре чикләнгән12 эш эзләүче граждан катнашты. Барлык кандидатуралар да каралды. Әңгәмә кысаларында гражданнар тәкъдим ителгән вакансияләр буенча башкарыла торган эшләрнең күләме һәм характеры белән таныштылар.