Үзәк китапханәдә укучылар конференциясе узды

Борис Львович Васильев-фронтовик, прозаик, публицист, драматург, киносценарист. Үз иҗатында ул хәрби темага берничә тапкыр мөрәҗәгать иткән. Аның китапларын берничә буын белә һәм ярата. Иң танылган әсәре - «Ә таңнар монда тыныч» повесте. 3 декабрь көнне 4 нче урта мәктәпнең 6 А һәм 9 Б сыйныф укучылары С. Рафиков исемендәге Үзәк китапханәнең уку залының баш китапханәчесе Гильманова З.И. әзерләгән укучылар конференциясендә катнаштылар. Укучылар китапның төп геройларын искә төшерделәр: старшина Васков һәм фашистлар белән тигезсез сугыш кабул иткән биш зенитчы, аларның батырлыкларын искә төшерделәр. Конференция нәфис фильмнан кадрлар һәм слайд презентация белән үрелеп барды.