Район башлыгы Р.Г.Кәримов капиталь ремонт һәм төзелеш объектларында булды

Бүген район башлыгы Р.Г.Кәримов капиталь ремонт һәм төзелеш объектларын карап чыкты. Ул капиталь ремонт һәм төзелеш объектларын карау кысаларында «Сәләтле балаларга өстәмә белем бирү үзәге - мәктәп укучыларының Кече фәннәр академиясе», үзәк мәчет, мәшгульлек үзәге, 24 фатирлы йорт төзелеше, 88нче янгын часте, «Йолдызлык» балалар сәламәтләндерү лагере, чистарту корылмаларында, төбәкара клиник-диагностика үзәге һәм Зәй-2 елгасы яр буенда булды. Район башлыгы ремонт һәм төзелеш эшләре алып барыла торган барлык объектларда булганда, төзүчеләр һәм подрядчыларның эш башкару сыйфатына, үз өстенә алган йөкләмәләрне вакытында үтәү зарурлыгына аерым игътибар итте. Тикшерү нәтиҗәләре буенча Разиф Гали улы Кәримов җаваплы затларга тиешле йөкләмәләр бирде.