9 нчы мәктәптә "Йолдызларга чакыручылар" исемле тарих дәресе

Ел саен 3 декабрьдә Халыкара инвалидлар көне билгеләп үтелә.Инвалидлар декадасы кысаларында, бүген туган якны өйрәнү музее хезмәткәрләре 9нчы мәктәпнең 6-7 сыйныф укучылары өчен космосны үзләштерү тарихына багышланган «Йолдызларга чакыручылар» тарих сәгате үткәрделәр. Бу көнне балалар Ю.А. Гагарин очышының үзенчәлекләре турында белделәр, аның чиксезсезлеккә очар алдыннан ясаган чыгышын тыңладылар, 1961 елның 9 мартында Зәй җиренә төшкән «Чернушка» кушаматлы эт –космонавт турында мәгълүмат алдылар. 2016 елның 1 апрелендә безнең шәһәргә космонавтлар Антон Шкаплеров һәм Олег Артемьевның килүе күпләр өчен көтелмәгән яңалык булды. Алар Зәй музее фондларында саклана торган космонавт автографларын гаҗәпләнеп карадылар. Чара кысаларында балалар өчен фонд экспонатларыннан «Космосны яулаучылар» дип исемләнгән күргәзмә әзерләнгән иде. Балалар чара дәвамында үзләренең космик темага булган белемнәрен тикшерә алдылар, Казан киностудиясе төшергән гадәти булмаган «Космонавт Чернушка» документаль фильмын карадылар һәм Ю.Гагарин, В Терешкованың җиргә төшүе турында гадәти булмаган фактлар белделәр.