Сәламәтлекләрендә чикләүләр булган кешеләргә депутат Хәйруллиннан күчтәнәч тапшыралар

Инвалидлар декадасы алдыннан Хәйруллин Хәйрия фонды хезмәткәрләре Түбән Кама сайлау округында яшәүче аз хәрәкәтләнүче кешеләр янына бара башладылар. Эш күләме зур - округның 10: Әлки, Алексеевск, Аксубай, Зәй, Спас, Нурлат, Түбән Кама, Яңа Чишмә, Чистай, Чирмешән районнары. Бөтен җирдә дә ялгыз, урында ятучы авыруларга һәм инвалид арбасында утыручыларга ихлас кайгырту һәм игътибар билгеләре күренә. Фонд хезмәткәрләре һәрвакыт хәлләрен белешә, нәрсәгә мохтаҗ булулары белән кызыксына. Алар барган кешеләр җылы аралашулары, игътибарлы булулары һәм РФ Дәүләт Думасы депутаты Айрат Хәйруллин күчтәнәчләре өчен рәхмәт белдерделәр. Ел саен парламентарий үз сайлаучыларын: күп балалы, аз тәэмин ителгән һәм катлаулы хәлдә калган кешеләргә ярдәм күрсәтә. 16 ел дәвамында "Хәйруллин Хәйрия фонды" гомумроссия, республика акцияләрендә актив катнаша һәм үзенең күп санлы игелек акцияләрен оештыра. Быел инвалидлар декадасына 400дән артык кеше азык-төлек җыелмасы алачак.