Район башлыгы авыл хуҗалыгында эшнең барышы белән танышып кайтты

Бүген район башлыгы Кәримов Р.Г. авыл хуҗалыгы формированиеләрендә булып кайтты. Чарада шулай ук авыл хуҗалыгы һәм азык-төлек идарәсе белгечләре, "Агрокөч" АҖ баш зоотехнигы, агрофирмалар һәм район ветеринария берләшмәсе белгечләре катнашты. Сәфәрдә катнашучылар "Нива" ҖЧҖ машина-трактор паркында, "Чыбыклы" җитештерү кооперативында булдылар – авыл хуҗалыгы машиналарын һәм тракторларны, тырмаларны ремонтлауның барышы белән таныштылар. Шулай ук график буенча терлекчелек объектларында: "Нива", "Дурт-Мунча”, "Куш-Елга", "Чыбыклы", "Бура-Киртә", "Сәвәләй", сөт фермаларында, Поручик симертү комплексында булдылар, "Югары Шепкә" фермасында сыер абзарларына капиталь ремонт барышы белән таныштылар. Бүгенге көндә сөт савуны арттыру мәсьәләсе терлекчелек тармагында төп бурыч булып тора. Район башлыгы эре мөгезле терлекләрне ашату һәм терлекчелек продуктларын сату режимында технологик процессларны төгәл үтәргә тәкъдим итте. Шулай ук Разиф Кәримов җаваплы затларга булган җитешсезлекләрне бетерергә кушты.