Зәй туган якны өйрәнү музеенда «Яраткан мультгеройлар» дигән чара узды

28 ноябрь көнне «Каенкай» балалар бакчасының «Миләшкәй» мәктәпкә әзерлек төркеме өчен музей хезмәткәрләре кызыклы интерактив экскурсия уздырдылар, анда балалар серле экспонатлар дөньясын ачтылар һәм мамонтның массив тешләрен, борынгы кувшиннар, җырлый торган касә, нумизматик коллекцияләр, агачтан ясалган уникаль картиналар һәм башка бик күп әйберләр күрделәр. Аннан соң малайлар һәм кызлар «Яраткан мультгеройлар» викторинасында катнаштылар. Чара барышында "Куян балалары" һәм "Төлке балалары" командаларына бүленеп, 5 биремгә җавап эзләделәр. Дөрес башкарылган һәр бирем өчен командаларга смайликлар тапшырылды. Балалар сорауларга теләп җавап бирделәр, мультфильмнар һәм аларның геройларын атадылар. Чара ахырында һәр команданың смайликлары саналды. Ярышта дуслык җиңде. Чара ахырында балаларга күңелле смайликлар тапшырылды, алар белән истәлеккә фотога төштеләр.