Зәйдә юбилярны котладылар

2019 елның 27 ноябрендә Зәй шәһәрендә яшәүче Ромашкина Рәисәгә 90 яшь тулды. Юбилярны котларга Зәй шәһәре башлыгы урынбасары Е.В. Недошивина, район мәдәният йорты автоклубы хезмәткәрләре килде. Рәисә Афиногент кызы Ульяновск өлкәсеннән.Хезмәт ветераны. Хезмәт эшчәнлеген колхозда башлый, бөтен авыр эшне башкара. Үгез җигеп, күрше районнарга ашлык ташый, терлекчелектә эшли. Зәйгә килгәч, «Гидромонтаж» проект - төзелеш фирмасында электр белән эретеп ябыштыручы булып эшли һәм лаеклы ялга китә. Хәзерге вакытта бердәнбер кызы һәм оныгы Рәисә Афиногентовнаның хәлен белеп торалар, ярдәмләшеп яшиләр.